الموضوع
:
حــــــب اخر زمن ؟
عرض مشاركة واحدة
10-05-2009, 09:23 PM
#
1
(
permalink
)
DJ_ MaDo
عضو شرف !!
بحبك حب الشباك للبرداية
بحبك حب الأرنبيط للكوساية
بحبك حب الشلمونة للكولاية
لك بحبك حب الطشت للكبجاية
يا ريت تكوني شخبرة .. وكون أنا المحاية ...
يا ريت تكوني بريات .. وكون أنا البراية
يا ريت ما تحطيلي زء .. لما كون أنا جاية
بحب ضحكتك يللي متل صوت المعزاية
بحبك حب المألمة للشنتاية
يا ريت تكوني طربيزة .. وكون أنا كنباية
يا مدلوئة حياتي وشعيبيات عمري ووربات بئشطة روحي ... يا أحلى زبدية محلاية
بحبك حب الريموت للتلفزيون
بحبك حب درفة الباب للمندلون
بحبك حب بنت اختي الفصعونة لسبيس تون ...
بحبك حب أبو السوم للطابة
بحبك اذا كنتي متنحة أو حبابة
بحبك حتى لو كان صوتك متل موتور الدبابة ..
سمعيني شوي لحتى احكيلك الأصة
يا ريت تكوني حنفية مي عم تشرشر ... وأنا بعصها
نشالله ما يبلا هلطول ... متل عرئ الفصة
لك يا ريت تكون معي هيكة كمشة بزر وأعطيكي نصا
بحبك حب منير الجبان لكلمة صباح الخير
بحبك حب جهاد سعد لبرنامج خبرني يا طير ...
لك بتسدئي ؟؟
بحبك حب جورج بوش لتوني بلير
شه
بحبك حب الآرمة للعامود
بحبك حب الزلائط للمعوود
بحبك حب السعادين للقرود
بحبك اذا كنتي ساكتة أو عم تحاكينا ..
بحبك حب ابن اختي الفصعون لبوظة كارينا ...
مع تحياتى\ مغرم بيها
DJ_ MaDo
مشاهدة ملفه الشخصي
البحث عن كل مشاركات DJ_ MaDo