[MR.HERHER]

حان الان موعد الحلقة الثالثة من يوميات مشرف





السلام عليكم ورحمة الله وبركاته





المشرف .. هو فرد من الأفراد .. حاله حال أي عضو .. بإستثناء الكلمات التي تُكتب بجانب أسمه ..



وله بعض الصلاحيات .. ويكون أسمه غليظ إذا كان متواجد أون لاين .. إذا ماخاب ظني .. !





المشرف .. أول مايستلم الإشراف .. يطير من الفرحه .. .. والدنيا مو شايلاه ..



يحس يومها أنه شي مهم .. وانه مسؤول عن أشخاص .. وله وضعه الكبير في المنتدى .. !



ولكن ومع الأيام .. يكتشف إن المسألة ليست هينه ؟ وبعض الأحيان تكون مملة .. !



وإنه وقع في مأزق يُسمى [ الإشراف ] .. ! او ( المراقبه)





طبعاً أنا لي الفخر كوني مشرف في هذا المنتدى العملاق بمشرفيه وأعضاءه ومراقبه الحلوين .. !





تعالوا معي أخواني الأعضاء علشان تشوفون على أرض الواقع وعلى الهواء مباشرة





يوم من أيام مشرف ومراقب ونائب فى



( اى منتدى)







المشرف





يالله صباح خير .. أصبحنا وأصبح المُلك لله .. ؟



يدخل المشرف المنتدى بعد مايشبك النت .. ويشوف إن في رسايله الخاصة حوالي



ست رسايل .. !



يتأفف على طوووول .. ويقول في باله [ أكيد الحين كل عضو بيجي ولسانه طول وجهه .. وبيقعد يسب ويلعن فينا ] .. !



يلّه .. خلنا ندخل ونشوف شيبون ؟؟ ووش هي مطالبهم ؟؟ لايقولون بعد إن احنا مقصرين ولا شي .. مانبيهم يصيدون علينا شي !!!





يفتح المشرف الرسالة الأولى ويشوف فيها :





السلام عليكم



كيف الحال ؟



شلونك حبيبي .. !



عساك مرتاح ؟



أقول يابعدي .. أبي تعلمني إذا ماعليك أمر .. عن كيفية وضع الصور الشخصية تحت الأسم ؟؟ وبرضوا تعلمني وشلون أضيف صور للمنتدى ؟؟ وبرضوا تعلمني شلون أحط فلاش ؟؟ وبرضوا تعلمني شلون أحط أغاني ؟؟ وبرضوا تعلمني شلون أحط روابط ؟؟ وبرضوا تعلمني شلون أستخدم خاصية الرسائل الخاصة ؟؟ وهل من الممكن وضع الماسنجر الخاص بي في المنتدى للتعااارف و و و و و و و و و و و .. !!!!!!







المشرف





المشرف يتحلطم هنا ..



يقول إذا مافيها كلافه ؟؟ أي كلافه وأنت و طلباتك ؟؟ نعنبوك أول مرة تخش منتدى أنت ؟؟ يبيلك يوم كامل على ما أرد عليك [ طبعاً هالرد بينه وبين نفسه ] .. لا والحبيب يبي يحط الماسنجر للتعااارف ؟؟ أقول لايكثر بس .. ؟



خلنا نروح ونشوف البلاوي الثانية .. ؟؟؟؟







يفتح المشرف الرسالة الثانية ويشوف :







هااااي مشرفنا



مدري شقولك والله .. أنا مستحيه أطلب منك ؟؟



والله خدودي صاروا حمر من كثر المستحى ..



ودي أقولك أنك مشرف مميز .. وصاحب هيبة .. وكلماتك أنيقة .. وأكيد شكلك وسيم بعد ؟؟



ياي والله مستحية موووت .. بس والله أحب أسلوبك الحلو .. وما أبيك تقطعنا كلش كلش ..



ياااي .. والله مستحية



باي باي





المشرف





المراقب يتحطم ويكلم نفسه



قطيعة تقطع هالوجه اللي لك .. ؟



ليكون الأخت مفكرتني رشدي أباظه ولا وائل كفوري ؟؟



لا وتقول مستحية ؟ أنتي خليتي فيها مستحى ؟؟ قلتي كل شي ؟؟



لا وتقول قلمي أنيق .. تحسبني مصطفى محمود المنفلوطي .. ؟



ناقصك انا بعد ؟؟



الشرهة على اللي يفتح رسالتك .. ؟



خلنا نشوف البلاوي الثانية بعد







يفتح المشرف الرسالة الثالثة ويشوف :







شوف أخوي بدون مقدمات .. وبدون سلامات .. وبدون كيف الحال ؟؟ أبي أفهم ليه حذفت موضوعي ؟؟ وبأي أساس ؟؟ ولا لأنك مشرف صرت تفهم أحسن منا يعني ؟؟ ترى انا مشرف في ست منتديات أحسن من منتداكم الفاشل هذا ؟؟ وأحسن لك لاتحط راسك براسي ؟؟ وأنا أحذرك ترى .. ولا تسوي نفسك فهمان وانك قدوة للأعضاء وأنت من جنبها .. ؟؟ وصلك الكلام ولا ؟؟







المشرف







لاحول ولاقوة إلا بالله



هذا الإشراف ومايسوي ؟؟



أجل قمنا نتهزأ على آخر الزمن ..



الله لايبارك في الإشراف اللي خله اللي يسوى واللي مايسوى يجي ويغلط ويمشي ..



بنستحمل .. بعد شنسوي ؟



كله علشان خاطر المنتدى وأعضاءه .. !



قال أحذرك قال .. أقول بس ضف وجهك



[ طبعاً كل ردود المشرف تكون بينه وبين نفسه .. كما قلنا في السابق ] .. !



آآآخ ياقلبي .. خلنا نشوف وش عند البقية ؟





يفتح المشرف الرسالة الرابعة ويشوف :





السلام عليكم



هلا ياحياتي



شلونك ياقلبي ؟؟



أقول يابعد روحي أنت .. شوف أعضاءك ؟؟



ترى يغازلوني على الخاااص ؟؟



شسوي لهم يابعد هلي انت ؟



شوف لي حل ياحبي .. ولا بروح ترى ؟؟



باي ياكل إحساسي أنت





المشرف



حياتها



قلبها



عمرها



احساسها



روحها





لا وماتبي الأعضاء يغازلونها كخخخخخ



حسبي يالله على أم جابتك يالخبلة .. إذا هذا أسلوبك شلون ماتبيهم يغازلونك ؟؟ والله مالومهم ؟



إذا أنا القدوة هنا بغيت أنحرف .. وأسير ورا كلماتك الشاعرية هذي ؟؟ شلون غيري ؟؟



ماينلامون فيك يارقيقة المشاعر ؟؟



خلنا نشوف اللي بعدو أحسن لنا





يفتح المشرف الرسالة الخامسة ويشوف :





السلام عليكم ورحمة الله وبركاته



اُحييك أخي بتحية الإسلام ..



ماهذا يا أخي ؟؟



أين ضميرك ؟



أين غيرتك ؟



أين هو عقلك ؟



هل تعي ماهو الإشراف ؟؟ هل تعي ماتقوم به ؟؟ هل وهل وهل ؟؟



لماذا لاتفتح عينيك قليلاً وترى مايحدث من أباطيل ونشر للفاحشة هنا ؟؟



ألم ترى بأم عينيك تلك العضوة التي رحبت بالعضو وقالت : أهلا وسهلاً بك معنا أخي العزيز ؟؟



لماذا لم تحذف كلمة [ العزيز ] ؟؟



إنها طريق يُزين بهِ الشيطان للوقوع في الإثم والزنا والعياذُ بالله



إن لم تقم بعملك على أكمل وجه .. سأضطر للهجوم .. وإختراق موقعك الفاسد .. ومنع التسجيل للبنات .. وحذف عضوياتهم .. وحذف جميع الأسماء الغريبة والدخيلة علينا .. وتلقيب الجميع بكل ماحُمّد وعبّد فقط ؟؟



هل وصلتك رسالتي أم ماذا ؟؟





المشرف





منتدى فاسد ؟



وليه عاد ؟؟ بس علشان كلمة أخي العزيز ؟؟



الله يصلحك ويكملك بعقلك ؟؟



خلانا كفّار علشان هالكلمة ؟؟



لا وبيهاجم المنتدى بعد ؟؟





صدق مايستحي على وجهه ؟؟



أقول .. ماني براد عليه .. واعلى مافي خيله يركبه ؟؟



أجل أنا فاسد ؟؟



وليه .. ؟ علشان كلمة [ أخي العزيز ] .. !



أجل وش تبيها ترد عليه .. ؟



يعني تقوله مثلاً [ أهلاً أخي ........ ] .. ولا تجيب معها محرم وهي ترد عليه ؟؟



هو احنا فعلا نبهنا كتير على ذلك لكن ايه اللى ممكن نعمله اكتر من كده ؟؟







كفاية



كفاية



كفاية





حسبي يالله على الإشراف ؟؟





كنت عضو ومريح دماغي.. ؟



وش اللي باليني وخلاني أوافق أني أصير مراقب ؟؟





هذا يوم من يوميات [ مراقب ] .. ومب شرط يكون من هالمنتدى !!





هذا كله ولم يتابع الموضوعات بجميع الاقسام



بالله عليكم مش المشرفين والمراقبين مظلومين وبيتعبوا وبينحرق دمهم لاجلكم ؟؟!!



دعواتكم لهم ........